नुवाकोट प्रहरीले लागुऔषध ब्राउन सुगरजस्तो देखिने पदार्थसहित पाँच जनालाई पक्राउ गरेको छ।
बिज्ञापन
जिल्ला प्रहरी कार्यालय नुवाकोटका अनुसार पक्राउ पर्नेमा रसुवा उत्तरगया गाउँपालिका–४ का २४ वर्षीय सुवास वाइवा, २२ वर्षीय चित्रबहादुर तामाङ, रसुवाकै कालिका गाउँपालिका–३ का २४ वर्षीय सुमन घर्ती मगर, नुवाकोट किस्पाङ गाउँपालिका–१ का २७ वर्षीय तुलसिंह तामाङ तथा नुवाकोट विदुर नगरपालिका–१० का सुमन तामाङ रहेका छन्।
बिज्ञापन
उनीहरूको साथबाट ब्राउन सुगरजस्तो देखिने लागुऔषध ३ ग्राम ६८ मिलिग्राम र डिजिटल तराजु १ थान बरामद गरिएको प्रहरीले जनाएको छ।
प्रहरीले शंकास्पद गतिविधिका आधारमा उनीहरूलाई नियन्त्रणमा लिएर जाँच गर्दा उक्त पदार्थ फेला परेको बताएको छ। पक्राउ परेकामाथि लागुऔषध सम्बन्धी कसुरमा थप अनुसन्धान भइरहेको जिल्ला प्रहरी कार्यालय नुवाकोटले जानकारी दिएको छ।
बिज्ञापन
